“Informacioni na vjen nga një njohës i thellë i realitetit të jetes se natës, i cili nga pozicioni i tij di detaje të asaj që të tjerët mësojnë sapo ndodhin ngjarjet. Personi që do vritet është tentuar edhe në të kaluarën, por kjo tentativë kishte rezultuar e pasuksesshme për “arsye teknike”. Por duket tani që porositësi i ri nuk i pranon gabimet e së shkuarës. Kjo sepse kontrata e vrasjes konsiderohet si një nga më të shtrenjtat që ka ekzistuar deri më sot, pasi viktima nuk “preket” për shkak të vrullit që ka marrë vitet e fundit”.
Ky është mesazhi që media greke “Edolio5” pretendon se ka publikuar dy ditë më parë në një artikull të saj dhe që sipas një burimi të rëndësishëm të cilit i referohen tregonte përgatitjet që ishin kryer për ekzekutimin e dy shqiptarëve Armand Organja dhe Kreshnik Çerçizaj në Athinë.
Paralajmërimi të cilit “Edolio5” i referohet një vrasje që do të kryhej dhe do të ishte më e paguara ndoonjëherë në Greqi.
“Dhe ndodhi dje, ashtu siç u paralajmërua, u vranë 2 nga emrat më të rëndësishëm të “botës së krimit” dhe “mbretërit” e jetës së natës: Armand Organja dhe 41-vjeçari Kreshnik Çerçizaj”, shkruan sot media greke.
Më tej theksohet se porosia ose “kontrata e vdekjes” për dy shqiptarët në lokalin e njohur në Nea Smyrni është lëshuar nga burgu famëkeq i Domokos.
Sipas “Edolio5” Armando Organja ka qenë “koleksionist” famëkeq i një grupi zhvatësish të baronëve të klubeve të natës në Athinë dhe kjo i solli vdekjen.
Artikulli i “Edolio5”:
Atë që mundi të bënte gazetaria investigative e “Edolio5”, e bëri në tërësi. Zhvillimet fatkeqësisht konfirmuan 2 ditë pas raportimit që publikuam se sa të drejtë kishte “burimi” ynë.
44-vjeçari shqiptar që u vra me gjakftohtësi në sheshin e Nea Smyrni mbrëmjen e së dielës ishte një nga 2 “koleksionistët” e një rrethi të madh zhvatësish nën drejtimin e një “baroni” të jetës së natës në Athinë.
Ata janë Armando Organja (44 vjeç) dhe 41-vjeçari Kreshnik Çerçizaj. Siç raportojnë mediat shqiptare, objektivi i ekzekutorit dyshohet se ka qenë Organja. Kjo pasi vrasësi e ka futur në kornizë duke e qëlluar dy herë në kokë.
Sakaq, 41-vjeçari Çerçizaj kishte një histori të ndalimeve për drogë dhe grabitje. Ai ishte njeriu që vdiq në vend para se ambulanca të arrinte dhe ta çonte në spital. Sa i përket viktimës së dytë, ai ka marrë plumba nga afër në stomak dhe gjoks, si pasojë ka humbur shumë gjak dhe me gjithë përpjekjet e mjekëve të “Kryqit të Kuq” nuk ia ka dale.
Punonjësit e Policisë nga vendi i ngjarjes kanë grumbulluar nga arma e ekzekutorit shtatë gëzhoja të kalibrit 9 mm, të cilat tashmë janë dërguar në laboratorët e mjekësisë ligjore për t’u kqyrur. Që në mëngjes ata kanë “skanuar” zonën për të gjetur video të tjera të lëvizjeve të autorit i cili shfaqej plotësisht i qetë dhe sigurisht që synonte të vriste dhe të mos dërgonte mesazh paralajmërues.
Vajza 31-vjeçare e cila ndodhej në kafene dhe mbeti e plagosur, është shtruar në spital me një plagë në këmbën e majtë, pa u dukur për momentin të ketë problem serioze me shëndetin. Sipas dëshmive, ajo nuk kishte lidhje me dy viktimat.
Oficerët e sigurisë e karakterizojnë atentatin në fjalë sit ë rrezikshmërisë së lartë duke pasur parasysh numrin e njerëzve në sheshin e frekuentuar, pasi ngjarja ndodhi pak kohë para përfundimit të finales së Kupës së Botës dhe kafenetë ishin plot.
Autori nuk kishte frikë se mund të bllokohej pasi edhe nëse do të kishte bashkëpunëtor, rruga është larg vendit ku u nis për të hipur në një mjet për arratisje.
Sipas informacioneve të “Edolio5”, Armando Organja në 5 muajt e fundit, përveç autonomisë që kishte për punën e tij, “punonte” dhe si koleksionist për klubet e natës në Nea Smyrni për llogari të një manjati grek të kësaj industrie, i cili është vënë në shënjestër të mafias shqiptare për të kontrolluar plotësisht krimin e organizuar në Greqi.
Goditja e njërit prej 2 “koleksionistëve” të grupit të madh që ka shtrirë tentakulat jo vetëm në Athinë por edhe në të gjithë Greqinë ishte në thelb paraprak mesazh për rrezikun që i kanoset “liderit”.
Kundër gjithë kësaj ELAS qëndron e paangazhuar pasi edhe këtë herë ajo është duke parë zhvillimet dhe duke pritur që të dijë se me kë ka të bëjë.
