Argjentina ka festuar këtë të Diel fitimin e titullit të tretë të kampionit të botës, me Angel Di María, i cili luajti një rol të madh në triumfin e skuadrës
Anësori i Juventusit, 34 vjeç, kishte probleme fizike në një pjesë të këtij Botërori, por në ndeshjen finale u shfaq në formacion dhe fitoi një penallti, si dhe shënoi golin e dytë për argjentinasit, duke mposhtur me klas Hugo Lloris.
Mund të thuhet se ‘El Fideo’ ka lindur për të luajtur në finale, pasi ai ka luajtur një rol vendimtar në katër titujt e fundit të mëdhenj të vendit të tij: në 2008, në Lojërat Olimpike të Pekinit, ai shënoi golin e fitores në finale kundër Nigerisë (1-0 ) dhe, vitin e kaluar, në mes të Maracana, ai u dha argjentinasve “Copa America”, në finalen kundër Brazilit. Ndeshja përfundoi 1-0 dhe golin e shënoi pikërisht Di Maria.
Këtë vit, më 1 qershor, Di María shënoi edhe në fitoren e Argjentinës (3-0) në finale, kundër Italisë në “Finalissima”, në Wembley.
