Athina është tronditur mbrëmjen e sotme nga një ngjarje e rëndë që ka ndodhur në një lokal në lagjen Nea Smyrni, ku banon një komunitet i madh emigrantësh shqiptarë.
Sipas Protothema policia ka marrë një telefonatë ku njoftohej për veprim të menjëhershëm pasi në Nea Smyrni janë regjistruar të shtëna.
Më pas është mësuar nga mediat se jashtë një lokali të njohur në sheshin e Nea Smyrni, një burrë i armatosur ka qëlluar me armë duke lënë të vdekur dy persona dhe nje të plagosur.
https://youtu.be/4xXdfF8ejqA
Zona është rrethuar nga forca të shumta policie, ndërsa raportohet e plagosura është një femër.
Atentatori ishte duke qëndruar në një restorant i veshur me një maskë kirurgjikale për të fshehur fytyrën e tij dhe në një moment ai lëvizi nga vendi për të hapur zjarr ndaj klientëve.
Menjëherë pas kësaj ai ka nxituar të zhduket me nxitim, duke humbur mes lagjeve në drejtim të panjohur.
Dy viktimat sipas Protothema dhe Newsit.gr janë me origjinë shqiptare dhe ndodheshin ne ambientet e jashtme te lokalit.
Një nga plumbat e gjuajtur nga atentatori ka goditur në shpinë një grua, e cila ishte padrone e lokalit dhe duket se është plagosur lehtë.
Njeri prej viktimave ka marre dy plumba ne koke, ndersa tjetri fillimisht u raportua i plagosur me një plumb në gjoks, por mesohet se ka nderruar jete.
Në vendngjarje policia ka gjetur tre gëzhoja 9 mm, ndërsa nga provat e para rezulton se bëhet fjalë për larje hesapesh.
