Kjo e shtunë ka nisur me mot të keq, teksa reshjet e dendura të shiut kanë shkaktuar problem në qarkullimin e mjeteve në akse të ndryshme të vendit.
Reshjet intenstive që kanë “mbërthyer” zonën e Kurbinit dhe atë të Krujës kanë bërë që të bllokohet nënkalimi në Fushë-Mamurras, pjesë e autostradës Milot-Thumanë.
Automjetet e vogla kanë zgjedhur rrugë alternative për të shmangur bllokimin në këtë nënkalim, por disa prej tyre e kanë pësuar duke ngecur aty.
Mbushja me ujë e nënkalimit ka ndodhur si pasojë e bllokimit të zgarave në depërtimin e ujit.
