Vdekja e 43-vjeçarit shqiptar Dritan Meçaj teksa punonte në një kantinë vere në Treviso, nuk duket të jetë një aksident i mirëfilltë në punë, pasi hetuesit italianë kanë nisur hetimet për vrasje.
Sipas mediave lokale përfaqësuesi ligjor i kompanisë ku Meçaj ishte i punësuar, Giovanni Corvezzo është përfshirë në regjistrin e të dyshuarve për hipotezën e vrasjes.
“Prokurorja Publike e Trevisos, Dr. Barbara Sabattini, kryetare e procedimit penal për një tjetër vdekje të bardhë, atë të Dritan Meçajt, punëtorit 43-vjeçar që vdiq të mërkurën më 14 dhjetor në kantinën e verës Corvezzo në Cessalto, ka futur në regjistrin e të dyashuarëve për hipotezën e veprës penale të vrasjes nga pakujdesia, përfaqësuesin ligjor të kompanisë, Giovanni Corvezzo, 41 vjeç, nga Oderzo”, shkruajnë mediat italiane.
Ndërkohë, një ekzaminim i trupit të të ndjerit do të kryhet në datën 21 dhjetor për të kuptuar nëse ishte vërtetë asfiksia teksa mirëmbante një cisternë vere ajo që i shkaktoi vdekjen.
“Autopsia do të realizohet të mërkurën më 21 dhjetor 2022, në orën 10:00, në zyrat e Procura della Marca, mjekut ligjor Dr. Antonello Cirnell që do të marrë pjesë në operacionet e ekspertëve si konsulent dhe gjithashtu, nga mjekja ligjore Alessandra Rossi, e vënë në dispozicion nga Studio3A-Valore S.p.A., një kompani e specializuar në nivel kombëtar në kompensimin e dëmeve dhe në mbrojtjen e të drejtave të qytetarëve, të cilët, nëpërmjet menaxherit të zonës së Veneto, Riçardo Vizzi, u drejtuan për të hedhur dritë mbi rastin dhe te anëtarët e familjes së punëtorit, i cili la gruan, një djalë 11-vjeçar dhe pesë vëllezër, dy prej të cilëve banojnë në Motta di Livenza, gjithashtu në zonën e Trevisos, dhe tre të tjerët në Shqipëri”, shkruhet më tej.
