Vendimi i Gjykatës së Hagës për të dënuar me 26 vite burg ish-komandantin e UÇK-së, Salih Mustafa ka tronditur opinioin publik në Kosovës, me shumë prej qytetarëve që e cilësojnë të padrejtë dhe shprehen kundër mënyrën si Specialja po vepron.
Edhe Fadil Fazliu, një nga bashkëluftëtarët e Mustafës e ka konsideruar dënimin për krime lufte të dhënë nga Gjykata Speciale si politik dhe të ngritur mbi dëshmi të fabrikuara.
Sipas Fazliut, kjo gjykatë është duke e barazuar viktimën me agresorin me dënimin e ish-komandantit të UÇK-së.
“Gjykata Speciale është gjykatë politike, sepse mendimi im edhe shumë shokë të luftës është se kjo gjykatë është duke bërë një baraspeshë duke barazuar viktimën me kriminelin”, ka thënë ai.
Teksa ka deklaruar se Serbia ka qenë ajo që ka bërë krime dhe jo Ushtria Çlirimtare e Kosovës, Fazliu ka hedhur dyshime se edhe ish-luftëtarë të UÇK-së që nuk ia kanë dashur të mirën Kosovës dhe ish-komandant Calit, falë pagesave të majme kanë dëshmuar kundër tij në Hagë.
“Dëshmitë janë të rrejshme, dëshmi të paguara nga Serbia por edhe nga disa njerëz të caktuar të cilët kanë shkuar ndoshta ish-kolegët e komandant Calit, bashkëluftëtarë të tij, të cilët kanë dëshmuar të keqen, që nuk ja kanë dashur të mirën as Calit as bashkëluftëtarëve e as luftës së Ushtrisë Çlirimtare të Kosovës”, ka përfunduar bashkëluftëtari i Salih Mustafës.
