Mbrëmjen e djeshme në rrugën “Mikel Maruli” në Tiranë, policia pas informacioneve të marra në rrugë informative ka vënë në pranga dy persona duke sekuestruar sasinë prej 2 kg e 30 gramë kokainë.
Dy të rinj nga Elbasani, të identifikuar si Nertil Dalipi (37 vjeç) dhe Izmir Bahiti (29 vjeç) u arrestuan në kuadër të operacionit “Furnizuesit”, pasi kryenin rolin e transportuesit të lëndës narkotike, e cila do të shitej në kryeqytet.
Bahiti dhe Dalipi do t’ia dorëzonin kokainën një personi në rrugën “Mikel Maruli”, i cili do ta shpërndante në doza më të vogla.
Personi që pritej të blinte drogën është identifikuar si shtetasi E.H. dhe është shpallur në kërkim nga policia.
Kokaina dyshohej se tregtohej për interes të një grupi kriminal në Elbasan, pasi 37-vjeçarari i arrestuar ka pasur lidhje shumë të afërta me Regis Runajn, i cili është vrarë në Elbasan në korrik të vitit 2020.
Sipas TCH, Dalipi kishte vetëm dy dite që ishte kthyer nga Belgjika dhe ishte vendosur në nga autoritetet shqiptare dhe ato belge.
Bashkë me drogën, janë sekuestruar 5250 euro, 120.00 lekë të rinj, një automjet dhe 3 aparate celulare.
