Mediat italiane kanë zbardhur detaje nga operacioni antidrogë i zhvilluar ditën e djeshme në Peruxhia , Foligno, Spoleto, Terni, Rimini dhe Bolonja, ku u godit një grup kriminal italo-shqiptar që trafikonte kokainë dhe ishte nën hetim që prej majit të viti 2020.
Gjyqtari në Peruxhia ka vendosur 15 masa sigurie, me 11 prej të arrestuarve që janë me kombësi shqiptare.
Grupi në fjalë kishte arritur të trafikonte 150 kg kokainë në 8 muaj, ndërsa përveç trafikut të drogës përdornin edhe armë zjarri e kishin në posedim municione.
Hetimet e nisura në maj 2020 u zhvilluan me shërbime të shumta në zonë, me përndjekje, por edhe me aktivitete teknike si monitorimi me GPS, kamera vëzhgimi dhe përgjimet telefonike dhe mjedisore të automjeteve të përdorura nga të dyshuarit.
Gjatë periudhës në të cilën u kryen hetimet, policia gjyqësore arrestoi në flagrancë 22 persona, sekuestroi rreth 9 kilogramë kokainë, 2 kilogramë heroinë, 2 pistoleta me 139 fishekë, 4 makina dhe rreth 13 mijë euro cash.
Hetimet, me mbështetjen hetimore të Shërbimit Qendror Operativ të Policisë së Shtetit, Drejtorisë Qendrore të Shërbimeve Kundër Drogës dhe Europolit në lidhje me projeksionin ndërkombëtar, ka bërë të mundur marrjen e indikacioneve të rënda të fajësisë ndaj të dyshuarve. Në të vërtetë, detyrat dhe rolet e secilit janë identifikuar, duke iu referuar veçanërisht metodave të menaxhimit të furnizimit të drogës dhe shitjes me pakicë të mëvonshme.
Në veçanti, figurat që besohej se ishin drejtues të lartë të organizatës kishin aktivizuar një sërë kanalesh, përfshirë edhe të huaj, për furnizimin me lëndë narkotike të llojit kokainë.
EMRAT:
Të arrestuarit:
Domenico Di Roço, 37 vjeç
Elton Hoxha, 24 vjeç
Ervin Hoxha, 27 vjeç
Festim Hoxha, 26 vjeç
Renato Di Silvio, 26 vjeç
Ardian Muca, 24 vjeç
Xhekson Novi, 24 vjeç
Durim Spanjolli, 38 vjeç
Santiljano Mitai, 23 vjeç.
Në arrest shtëpie:
Zenel Huqi, 25 vjeç
Franko Merxhani, 23 vjeç
Marius Nuri, 29 vjeç
Ivan Gentilucci, 50 vjeç.
