Një 17-vjeçar është arrestuar nga policia në Peqin, pasi akuzohet si përgjegjës për aksidentin me vdekje që ndodhi mbrëmjen e djeshme në aksin Elbasan-Peqin.
Makina që i riu drejtonte pa pasur një leje drejtimi përplasi për vdekje një të moshuar 73-vjeçar, i cili po lëvizte me biçikletë.
“Specialistët e Qarkullimit Rrugor arrestuan në flagrancë shtetasin J. Gj., 17 vjeç, banues në Peqin, pasi mbrëmjen e djeshme, duke drejtuar automjetin, pa leje drejtimi, në aksin rrugor Elbasan-Peqin, ka aksidentuar me pasojë vdekje shtetasin B. K., 73 vjeç, banues në Peqin, i cili po lëvizte me biçikletë”, njofton policia.
