Një 40-vjeçar shqiptar ka humbur jetën në një aksident tragjik, të ndodhur mbrëmjen e djeshme në Breshia të Italisë.
Viktima është identifikuar si shtetasi Alban Dushi. Ai humbi jetën pasi makina me të cilën udhëtonte ka dalë nga rruga duke u përplasur me një pemë.
Para përplasjes, makina ka përplasur një grua 50-vjeçare e cila ndodhej në trotuar. Në vendngjarje ka mbërritur me shpejtësi ambulanca, por mjekët e ndërhyrjes së shpejtë nuk kanë mundur të bëjnë asgjë për të mbajtur në jetë 40-vjeçarin.
Sipas mediave vendase, 40-vjeçari po drejtonte një kamionçinë “Mercedes Benz”, ndërsa humbi kontrollin e makinës e cila përfundoi në trotuar në buzë të rrugës.
Ndërkohë 50-vjeçarja e përplasur më herët nga ai ndodhet jashtë rrezikut për jetën. Sakaq, policia po heton rreth zbardhjes së plotë të ngjarjes.
