Moderatorja dhe ish-banorja e “BBV”, Einxhel Shkira, në një intervistë për “Who”, ka folur për planet e dasmës me DJ Dagz. Moderatorja ka treguar se dasma do të ndodhë me patjetër, por nuk di të thotë se kur apo ku.
“Dasmën më shumë e kemi diskutuar brenda në “Big Brother”, sesa jashtë tij. Me shtatzëninë dhe tani me pritjen e djalit tonë, gjithçka tjetër ka kaluar në plan të dytë.
Propozimi erdhi kur më pak e prisja, sepse mendoja se mendoja se e kishim superuar si akt, duke qenë se tashmë do të bëhemi prindër. Megjithatë, atë ditë do të doja që të dy ta shijonim siç ne dimë, së bashku me miqtë tanë më të mirë, gjë e cila për momentin është jashtë mundësive të mia fizike. Do ndodhë patjetër, sepse i dua ato foto e kujtime në jetën tonë, por s’e kur, nuk di të them një ditë apo kohë të caktuar”, është shprehur ajo.
Einxhel është pyetur se ku do të jetojnë pas lindjes së bebit, pasi jeta e tyre është e ndarë mes Shqipërisë dhe Kosovës.
Moderatorja ka zbuluar se do përpiqen të jenë të pranishëm në të dy shtetet, por aktualisht po blejnë shtëpinë e parë në Kosovë.
“Pak nga të dyja, siç është dhe ky fëmijë që i përket të dyja tokave, ashtu do përpiqemi dhe të ne të jemi present në të dy shtetet, pranë familjeve tona, por edhe projekteve, bashkëpunuesve dhe përkrahësve tanë. Por le të themi që Kosovë do e mbajmë pak me hatër sepse aty po blejmë strehën e parë të familjes tone”, është përgjigjur ajo.
