Këtë të diel është njoftuar ndarja papritur nga jeta e Khalid Al Misslam.
Ky është gazetari i dytë që vdes gjatë Kupës së Botës në Katar, pas amerikanit, Grant Wahl.
Për momentin nuk dihen shkaqet e ngjarjes tragjike.
Khalid Al Misslam punoi si fotoreporter për kanalin e Katarit “Al Kass TV”.
Deri tani, nuk ka asnjë informacion të mëtejshëm për vdekjen e Al Misslam.
“Gulf Times”, një gazetë e Katarit, i dërgoi ngushëllimet familjes përmes mediave sociale.
Kjo ngjarje ndodhi pak orë pas vdekjes së Grant Wahl, ku gazetari amerikan vdiq teksa ishte i angazhuar në Kupën e Botës.
Raportet e para zbuluan se Wahl, 48 vjeç, po mbulonte ndeshjen mes Argjentinës dhe Holandës në stadiumin “Lusail”.
Në këtë Botëror, në Katar, kanë ndodhur dy vdekje të papritura nga radhët e medias. Dhe të dyja, brenda pak orësh.
