Një shtetas shqipta që udhëtonte nga Tirana për në aeroportin e Olbias në Itali, përmes tranzitit në Fiumicino të Romës, është future në telashe me autoritetet për shkak të ngarkesës që kishte në valixhe.
Ansa raporton se gjatë kontrollit në aeroportin e Olbias, në bagazhin e pasagjerit shqiptar u gjendën të fshehura 15 kg produkte ushqimore si, djath, mish viçi dhe sallam, pa etiketë që vërtetonte origjinën, specien dhe certifikimin përkatës fitosanitar.
Shqiptari u ndalua për kontroll nga zyrtarët e Agjencisë së Doganave dhe Monopoleve (ADM) të Sassarit, në shërbim të Seksionit të Operacioneve Territoriale të Olbisë në bashkëpunim me efektivët e Guardia di Finanza.
Ushqimet u sekuestruan, në pritje të analizave higjeno-sanitare të mjekut fitopatolog të Departamentit të Reformës Bujqësore dhe Agro-Bitore të Rajonit Autonom të Sardenjës dhe do të asgjësohen.
