Një shtyllë tensione 220 kë, është rrëzuar prej katër ditësh në Lezhë.
Në një pronocim për mediat, njëri nga banorët e zonës, ka deklaruar se shtylla u dëmtua nga eskavatori i Drejtorisë së Bujqësisë teksa po punonte në hapjen e kanaleve kulluese në këtë zonë.
Banori thotë se ndjehen të rrezikuar nga përcjellësit e energjisë elektrike në tokë, ndërsa shton se edhe pse i kanë komunikuar problemin OSHEE, ende nuk kanë marrë asnjë përgjigje.
“Prej 4 ditësh është bërë pastrimi i kanalit, është prishur shtylla. Ka qenë duke më rënë mbi kokë mua natën e Shën Kollit. I kam thënë OSHEE. Nuk dëgjojnë të përgjigjet askush. Kanë ardhur edhe të Bordit e Bashkisë dhe nuk më është përgjigjur askush. Këtu ka rrezik se është korrenti i zhveshur. Unë dua të më vihet shtylla se nuk kam të ardhura ta blej. Nuk di asnjë lloj manovrimi, se di si do e zgjidhim. Unë nuk kam lekë për të blerë shtyllën”, tha banori.
