Një alarm për bombë në ambientet e Drejtorisë së Kufirit dhe Migracionit në Tiranë ka ngritur “në këmbë” Policinë e Shtetit.
Alarmi është ngritur pasi një çantë e dyshimtë është gjetur në derën e drejtorisë.
Njoftimin e autoriteteve e kanë bërë vetë punonjësit e kësaj drejtorie, e cila ndodhet në rrugën “Rexhep Preza”, në zonën e Laprakës, shumë pranë Spitalit të Traumës.
Zona ku ndodhet Drejtoria e Kufirit është rrethuar nga forcat xheniere, por ende janë të paqarta detajet lidhur me ngjarjen.
