Benjamin Netanyahu, kërkoi sot zgjatjen e afatit për formimin e qeverisë për 14 ditë, duke përmendur si arsye ngecjen e marrëveshjes për rolet e partnerëve të koalicionit, njoftoi partia Likud.
Kërkesa u bë në një letër drejtuar presidentit izraelit Isaac Herzog, i cili i dha Netanyahut 28 ditë për të formuar një qeveri pasi partia Likud dhe partnerët e saj të ekstremit të djathtë shkuan në zgjedhje më 1 nëntor.
Në zgjedhjet e 1 nëntorit, partia Likud e Netanyahut dhe partnerët e saj të koalicionit të ekstremit të djathtë fituan 64 nga 120 vendet në parlament, një shumicë ndaj kundërshtarëve të tij të qendrës së majtë të udhëhequr nga kryeministri i atëhershëm Yair Lapid.Këto ishin zgjedhjet e pesta në katër vitet e fundit.
