Nuk janë ndalur as mbrëmjen e sotme shpërthimet në Veri të Kosovës, pavarësisht thirrjeve për vetëpërmbajtje dhe inervenimit të forcave të EULEX-it dhe KFOR-it.
Sipas mediave në Prishtinë është regjistruar një shpërthim tepër I fuqishëm në Lagjen e Boshnjakëve, një zonë e njohur si e populluar nga shqiptarët.
Dyshimet e para ishin për një shpërthim me bombë, pork jo është hedhur poshtë nga policia e Kosovës.
Zëvendësdrejtori i Policisë së Kosovës për rajonin e veriut të Mitrovicës, Besim Hoti ka thënë se shpërthimet në Veri të Kosovës nuk vinin nga mjetet shpërthyese.
“Bëhet fjalë për mjete piroteknike, nuk janë shpërthime që shkaktojnë efekte shkatërrimi, kanë efekte të zërimit, nuk ka lëndime. Kur flitet për Lagjen e Boshnjakëve, është një zonë jo një pikë e vetme”, ka deklaruar Hoti.
Ndërkohë, njësitë e policisë së Kosovës po patrullojnë zonën për të shmangur përsëritjen e këtyre incidenteve.
Kujtojmë se dje në Zubin Potok dhe Mitrovicë të Veriut pati shpërthime të njëpasnjëshme mbrëmjen e djeshme, por fatmirësisht pa pasoja në njerëz.
