Xhaka dhe Shaqiri e bënë sërish… Zvicra preu biletën në 1/8-at duke mundur në përballjen direkte Serbinë me një ndeshje, që ashtu siç pritej, fitohet mes tensionit.
Feston skuadra e Murat Jakin falë 3-2 e firmosur nga golat e Shaqirit, Embolosë dhe Frojlerit dhe të martën do të sfidojnë Portugalinë e Kristiano Ronaldos.
Xhaka telling Shaqiri “ta ha zemren” after he scored top 3 World Cup moments pic.twitter.com/KfPe5JXhBI
— virghoe (@localeorising) December 3, 2022
Ndërsa Vlahoviç me shokë kthehen në shtëpi pas 8 golave të pësuar në 3 ndeshje dhe e mbyllën në vendin e fundit në grup. Helvetët u kualifikuan, por jo edhe aq thjesht, sepse në pjesën e parë, ballkanasit përmbysën për momentin.
Gëzimi ka qenë i madh jo vetëm për Shaqirin, por edhe për kapitenin Granit Xhaka dhe kjo shihet qartë te festa e golit të parë.
Një buzëqeshje vezulluese në fytyrë dhe sytë që i shkëlqejnë nga gëzimi sikur të kishte shënuar vetë, teksa mesfushori i Arsenalit përqafon bashkëkombasin e tij dhe i drejtohet me fjalët shqip: “Ta ha zemrën“!
Sekuenca e videos së festës së golit të parë të kombëtares Helvete tashmë po bën xhiron e rrjetit, me të gjithë komentuesit që vlerësojnë performancën me shpirt të dyshes shqiptare përballë Serbisë.
