Megjithëse me një urdhër dëbimi nga Italia në xhep, një 34-vjeçar shqiptar nuk e ka zbatuar ligjin pork a vijuar të qëndrojë në vend, deri në momentin që u gjet dhe u arrestua brenda shtëpisë së një mikut të tij në Porto Potenza.
Sipas mediave lokale në pranga ra Llambi Kulja, me profesion shofer kamioni. Ai u ndalua të premten, kur karabinierët kryen kontrolle të jashtëzakonshme përgjatë bregdetit të Macerata.
Rreth orës 9 të mëngjesit efektivët mësynë në një banesë në Alto Contrada, sepse ata kishin mësuar nga burime konfidenciale se 34 -vjeçari ndodhej aty.
Ata e gjetën Kuljan në shoqërinë e tre bashkatdhetarëve të tjerë, me 34-vjeçarin që u justifikua duke thënë se kishte gjetur mikpritjen për disa ditë në qytet, duke shtuar se kamioni i tij, në të cilin jeton, kishte mbetur në një lavazh në Regina.
Pavarësisht kësaj karabinierët i vunë prangat, pasi për të ekziston urdhër-dëbimi i lëshuar në vitin 2014 nga prefektura e Barit.
Por jo vetëm kaq, sepse një nga tre shqiptarët që ishin me të, 31-vjeçari X.D. rezultoi të ishte illegal në Itali.
Policia e dërgoi atë në portin e Ankonës duke e nisur për në Shqipëri me tragetin e parë që ishte në dispozicion.
Sa për Kuljan, ai u la në paraburgim deri më 15 dhjetor. Pas kësaj, procedura për dëbimin përfundimtar do të nisë për 34-vjeçarin.
