Ky ishte postimi i fundit që shqiptari Qamil Taja bëri në profiling e tij në Facebook, pak para se t’i merrte jetën duke e qëlluar me dy plumba pistolete në kokë, bashkëjetueses së tij Kristjana Brakaj.
Postimi i bërë 11 orë më parë, kohë kur sipas autoriteteve greke ka ndodhur edhe krimi që tronditi opinionin publik, tregon ndoshta gjendjen e rënduar psikologjike dhe efektin e lëndëve narkotike, që i riu ka pranuar se kishte konsumuar gjatë mbrëmjes.
Ndërkohë, profili i tij në rrjete sociale është i mbushur me këngë dhe postime të trishta.
“Ti kurrë nuk je jashtë mendjes sime, çdo gjë e imja të përket ty. Ti kurrë nuk ike, tek unë ke ekzistuar. Vendi i parë do të jesh gjithmonë ti”, shkruhet në një prej postimeve të tij në Facebook.
Në dëshminë e tij para hetuesve, Taja pretendon se ka qenë nën ndikimin e drogës dhe se ishte çmendurisht xheloz për 19-vjeçaren.
Ndërkohë, fqinjët siç kanë rrëfyer për Protothema.gr, kanë dëgjuar përleshje të shpeshta dhe, sipas dëshmive, një javë më parë është dëgjuar një sherr i madh dhe intensive në banesë.
Dinamika e ngjarjes:
Xhelozia e çmendur, obsesionet dhe kokaina bënë që banakieri 25-vjeçar të vriste partneren e tij 19-vjeçare në shtëpinë e tyre dhe më pas të telefonojë policinë duke thënë se e ka vrarë dhe të dorëzohet.
Skena e krimit është zhvilluar në orët e para të mëngjesit në banesën ku çifti jetonte në Kaminia.
Ai që punonte në një lokal në Trouba, sapo ishte kthyer nga puna. E njëjta gjë me 19-vjeçaren që punonte në një lokal nate në Kallithea.
Edhe një herë kanë nisur përleshjet dhe shkak, siç ka thënë vetë shqiptari në polici, ka qenë xhelozia për vajzën.
Në një sulm të tërbuar dhe nën ndikimin e drogës, konkretisht kokainës, ai ka nxjerrë pistoletën që ua kishte marrë një vit më parë disa rumunëve (sipas fjalëve të tij) dhe ka qëlluar dy herë në kokë Kristjanën. Sapo ka kuptuar se çfarë kishte bërë, ka lajmëruar policinë.
Policia sapo mbërriti në vendngjarje gjeti të renë të vdekur dhe autorin që i priste. E kanë vënë në pranga dhe e kanë dërguar në komisariatin e zonës.
