Krisjana Brakaj është 19-vjeçarja shqiptare që u ekzekutua me armë zjarri nga bashkëjetuesi i saj 25-vjeçar, Qamil Taja në Pire të Athinës.
Ngjarja tragjike ka tronditur opinionin publik në Greqi dhe Shqipëri, ndërsa autori u vetëdorëzua te autoritetet duke rrëfyer se i kishte marrë jetën 19-vjeçares.
Xhelozia ishte shkaku që shtyu 25 vjeçarin që të ekzekutonte Krisjanën në orët e para të mëngjesit.
Ndërkohë mediat kanë zbuluar edhe foto e vajzës nga hulumtimi në rrjetet sociale.
Në një prej postimeve të saj në rrjete sociale shkruhej: “Pavarësisht se sa shumë të lëndojnë ata përreth teje, sigurohu që të mos ta vjedhin buzëqeshjen”.
Sakaq, policia greke ka zbardhur dinamikën e ngjarjes së rëndë, duke zbuluar se Taja ka qëlluar mbi viktimën disa herë me pistoletë, me plumbat që e kapën 19-vjeçaren në kokë dhe gjoks.
Policia ka arritur të zbulojë se25-vjeçari ushtronte dhunë psikologjike dhe fizike ndaj viktimës.
Çifti banonte në një hyrje në lagjen Kaminia të Pireut. Pikërisht brenda banesës së tyre u gjet edhe trupi i viktimës.
