Ish-trajneri i Shqipërisë, Gianni De Biasi, ka folur së fundmi në mediat italiane, për mbrojtësin e Napolit, Amir Rrahmani.
De Biasi u shpreh se Rrahami ka cilësi të mëdha, teksa kujton se dikur luante për Partizanin në Shqipëri, ndërsa tani është pjesë e kryesuesve të Serie A.
“Mendoj se Rrahmani ka një potencial të jashtëzakonshëm, edhe në nivelin fizik. Para disa sezonesh luante në një kampionat të vogël, te Partizani i Tiranës në Shqipëri dhe bëri një udhëtim të rëndësishëm përpara se të mbërrinte te Napoli.
Ai kaloi fillimisht në Kroaci dhe më pas erdhi në Itali te Verona. Ishte shumë i zoti për t’u ambientuar dhe në vende të ndryshme dhe kjo ndodh falë cilësive të mëdha të tij”, tha trajneri.
