Një ngjarje e rëndë është regjistruar në Athinë, teksa një studente ka tentuar të hyjë me thikë në Parlament.
Episodi i paprecedentë është regjistruar mëngjesin e sotëm. Sipas mediave greke nxënësja 16-vjeçare nga Selaniku sapo ka kaluar kontrollin ka tentuar të hedhë thikën e gjatë 13.5 centimetra.
Informacionet bëjnë me dije se të miturës iu gjetën edhe disa doza kanabis.
Studentja është arrestuar fillimisht, ndërsa më pas me urdhër të prokurorit është lënë e lirë.
Kujtojmë se një rast i ngjashëm u regjistrua më 8 nëntor në Parlamentin grek, teksa një nxënës 14-vjeçar i një shkolle në Argyroupoli tentoi të futet me thikë në Parlament.
