Një 33-vjeçar shqiptar ka rënë në prangat e policisë në Britaninë e Madhe, teksa ishte duke lëvizur me automjetin e tij “Audi A6” pranë kryqëzimit 7 Ëorcester këtë të martë.
Sipas mediave britanike, para arrestimit raportohet se Bledar Thomaj rrezikoi jetën teksa tentoi të largohej duke kaluar nëpër gjashtë korsi të autostradës në këmbë vetëm për t’i shpëtuar arrestimit.
Ishte një qen i policisë që u sul për t’a kafshuar 33-vjeçarin nga pas, duke bërë të mundur që efektivët e policisë ta ndalonin të riun shqiptar.
Vetëm dy ditë më vonë i riu shqiptar u deklarua fajtor për posedim kanabisi me qëllim furnizimin dhe u burgos për 12 muaj në Gjykatën e Magjistraturës Kidderminster, ndërsa gjatë arrestimit të tij oficerët gjetën 10 kg kanabis në bagazhin e automjetit “Audi”.
