Futbolli italian në zi!Manuel Lorenco Ntube ka ndërruar jetë në moshën 17-vjeçare si pasojë e një aksidenti automobilistik mbrëmjen e djeshme.
Ntube ishte lojtar i Padovës U-17 dhe aktivizohej si mbrojtës. Këtë lajm e ka bërë publike vetë klubi i Padovës me anë të një komunikate në sajtin e saj zyrtar, duke ngushëlluar familjen dhe të afërmit e tij për këtë ngjarje të rëndë. Një lajm i trishtë ky për futbollin italian.
KOMUNIKATA E KLUBIT TË PADOVËS –
“Klubi i Padovës është në zi pas humbjes tragjike të jetës të Manuel Lorenco Ntube, mbrojtësit të akademisë sonë, në skuadrën e U-17, ku u nda nga jeta mbrëmjen e djeshme pas një aksidenti tragjik automobilistik. I gjithë klubi ynë së bashku me tifozët është pranë kësaj dhimbjeje dhe ndodhemi pranë familjes dhe miqve të Manuelit.”
Profondo cordoglio del Calcio Padova per la tragica scomparsa di Manuel Lorenzo Ntube https://t.co/ANgETabZrc pic.twitter.com/h1bORURVtT
— Calcio Padova (@PadovaCalcio) December 1, 2022
