Hollanda e Luis Van Gaal ka siguruar kalimin në fazën tjetër të Botërorit të Katarit si vendi i parë në grup me 7 pikë (do luajë ndaj vendit të dytë të grupit B), pas triumfit të sotëm ndaj Katarit. Ndeshja përfundoi 2-0 , sfidë kjo e luajtur në Al Bayt Stadium (Al Khor).
Një gjuajtje e bukur e Gakpo zhbllokoi shifrat në minutën e 25-të falë talentit të PSV, Gakpo.
Vendi organizator nuk do mund të ndalonte dot pësimin e golit të dytë. Do ishte De Jong ai që do siguronte 3 pikët, që në minutën e 49-të.
Kështu, në fazën e grupeve, tulipanët kanë fituar dy ndeshje dhe kanë barazuar një. Në krahun tjetër, Katar e mbyll si mos më keq, asnjë pikë dhe paraqitje tejet e dobët.
Nga ana tjetër Senegal ka mundur të fitojë ndaj Ekuadorit. Senegal ka qenë shumë më mirë se Ekuadori me statistika dhe është shpërblyer me një gol në minutën e 44-të, ku Sarr shënoi me penallti.
Në pjesën e dytë, në minutën e 68-të, ishte Caicedo i cili barazoi shifrat. Por festa nuk zgjati shumë, pasi në të 70-tën ishte mbrojtësi i Chelsea Koulibaly i cili shënon golin e rëndësishëm.
Kështu, Senegal është renditur në vendin e dytë duke u kualifikuar bashkë me Holandën për në fazën tjetër të Kupës së Botës.
GOLAT E SFIDES EKUADOR-SENEGAL
RENDITJA PERFUNDIMTARE E GRUPIT A:
