Bashkëthemeluesi i një kompanie të fuqishme kriptomonedhash ka vdekur ‘papritur’ në moshën 30-vjeçare.
Tiantian Kullander, i cili bashkëthemeloi kompaninë e aseteve dixhitale në Hong Kong “Amber Group” vdiq në gjumë, sipas informacioneve të shpërndara nga një zëdhënës i firmës së tij.
Kullander, i cili është babai i një fëmije ishte emëruar në listën prestigjioze të Forbes për më të suksesshmit nën 30 vjeç në 2019.
Grupi Amber e përshkroi Kullanderin – i njohur me dashuri si “TT” nga miqtë dhe kolegët – si “instrument për themelimin e Amber dhe një shtyllë të suksesit”.
“Ai vuri zemrën dhe shpirtin e tij në kompani, në çdo fazë të rritjes së saj. Ai udhëhoqi me shembull me intelektin, bujarinë, përulësinë, zellin dhe kreativitetin e tij”, tha kompania në një deklaratë.
‘TT ishte një udhëheqës i respektuar i mendimit dhe i njohur gjerësisht si një pionier për industrinë.
Nga thellësia e njohurive të tij, gatishmëria e tij për të bashkëpunuar dhe dëshira e tij për të ndihmuar gjithmonë të tjerët, përfituan shumë biznese fillestare dhe individë.
Kullander, një ish-tregtar i Morgan Stanley dhe Goldman Sachs, themeloi Amber Group në 2017. Kompania vlerësohej në 3 miliardë dollar në muajt e fundit.
