Pas startit me një humbje befasuese ndaj Arabisë Saudite, Argjentina është gati të kthejë faqe dhe është e dënuar të marrë fitoren ndaj Meksikës, për të mos rrezikuar eliminimin që në fazën e grupeve.
Në konferencën për shtyp para ndeshjes, ka dalë edhe sulmuesi i Interit, Lautaro Martinez, i cili e ka nisur me një homazh për legjendën argjentinase Diego Armando Maradona, në ditën e 2-vjetorit të ndarjes nga jeta.
“Sot është e pamundur të mos kalosh një mendim edhe për legjendën e futbollit tonë, Diegon, i cili ka dy vite që është ndarë nga jeta. Duam ta nderojmë kujtimin e tij me një fitore ndaj Meksikës dhe shpresoj shumë t’ia dalim. Ndaj Arabisë Saudite ishin shumë faktorë që sollën humbjen, por e kemi lënë pas krahëve atë ndeshje, pasi nuk ka kohë për të qarë”, u shpreh sulmuesi.
