Parlamenti Europian ka miratuar strategjinë e re për zgjerimin e Bashkimit Europian.
Komisioneri Evropian për Zgjerimin, Oliver Varhelji vlerësoi se BE-ja ka përparuar duke prezantuar një metodologji dhe grup të ri, kapituj të lidhur bashkërisht, por ai theksoi se për të promovuar zgjerimin si prioritet gjeopolitik, është e nevojshme të kemi vullnetin politik të të dyja palëve – anëtarëve dhe vendeve që aplikojnë për anëtarësim.
Më pas, Varhelji shkroi në Twitter se “zgjerimi është një prioritet gjeopolitik për ne dhe për aleatët tanë”.
“Sonte në Plenaren e Parlamentit Evropian u debatua rekomandimi i PE për një strategji të re të BE-së për zgjerim.
#Zgjerimi është një prioritet gjeopolitik për ne dhe për aleatët tanë! Ai konfirmon se si Evropa dëshiron të sigurojë paqen, stabilitetin dhe prosperitetin.”- shkruan somisioneri Evropian për Zgjerimin, Oliver Varhelji.
Florian Bieber, studiues i politikave, historian dhe profesor i marrëdhënieve ndëretnike, konfliktin etnik dhe nacionalizmin, duke u fokusuar kryesisht në Ballkan, ka reaguar me ironi ndaj postimit të Varhejlit.
Ai ka rishpërndarë postimin e Varhejlit i cili është në foltoren e Parlamentit Europian dhe e gjithë salla është bosh.
“Rëndësia e zgjerimit për BE-në në një foto”– shkruan Bieber duke nënkuptuar se BE nuk e ka prioritet dhe nuk i intereson aspak zgjerimi në Ballkanin Perëndimor.
The importance of enlargement for the EU in one picture 👇 https://t.co/pfR2ZNgRx3
— Florian Bieber (@fbieber) November 23, 2022
