Edhe pse jo në të njëjtën masë si Shkodra, qarku i Lezhës është një ndër të goditurit më rëndë prej motit të keq me reshje të dendura shiu dhe erëra të forta, që ka mbërthyer vendin në 48 orët e fundit.
Sipas një bilanci të realizuar mëngjesin e sotëm situata në territorin e Qarkut Lezhë aktualisht janë të përmbytura mbi 1 mijë hektarë tokë dhe situata paraqitet kritike në të gjithë hidrovoret që punojnë me kapacitet të plotë.
Gjatë mbrëmjes deri sot në mëngjes në të gjithë qarkun janë regjistruar rreth 20 mm reshje shiu.
Fatmirësisht kuotat e lumenjve Drin dhe Mat nuk janë problematike, por lumi Gjadër ka kuota të larta dhe përbën shqetësim.
Situata e deritanishme paraqitet si më poshtë:
-Në njësinë administrative Dajç, bashkia Lezhë, kemi ulje të nivelit të ujit me rreth20cm.
-Ura që lidh fshatin Gjadër me Zojs-Gramsh është e kalueshme dhe për mjetet e vogla.
-Rruga që lidh fshatin Blinisht-Superstradë (Lezhë-Shkodër) vazhdon të jetë e pakalueshme si rezultat i prezencës së ujit në trupin e rrugës, kurse rruga që lidh fshatin Blinisht-Baqel është e kalueshme plotësisht.
-Kemi rritje të nivelit në trupin e rrugës në fshatin Piraj, e cila është bërë e pakalueshme nga mjetet.
-Nga ana e Kryqit të Kuq, dega Lezhë janë dhënë ndihma ushqimore për 1 familje të evakuuar në fshatin Mabë.
-Në fshatin Kakarriq vazhdon të kemi prezencë në 4 banesa, edhe pse niveli i ujit po vazhdon të ulet.
-Kemi 500 ha sipërfaqe toke të përmbytura në fshatin Torovicë, njësia administrative Balldre, 800ha në njësinë administrative Dajç dhe Blinisht, bashkia Lezhë.
-Hidrovoret po punojnë me kapacitet të plotë dhe pa ndërprerje. Konkretisht Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike dhe hidrovori Balldre rreth -1.2 m.
-Lumi Drin është në kuotën +1.15 m nga +2.0 m kuote kritike.
-Lumi Gjadër ka kuota të larta, ndërsa lumi Mat ka rritje të kuotave por të papërfillshme.
-Në bashkinë Mirditë dhe Kurbin nga strukturat e MC nuk raportohen problematika.
