Një makinë është shkrumbuar në ecje shumë pranë fshatit Iliras të Memaliajt.
Mësohet se në flakë është përfshirë një mjeti tip “Ford”, por fatmirësisht shoferi ka mundur të dalë në kohë duke i shpëtuar zjarrit.
Flakët u shuan falë ndërhyrjes së shpejtë të forcave zjarrfikëse të Memaliajt.
Njoftimi i policisë:
Rreth orës 14:00, në aksin rrugor Krahës-Memaliaj, në afërsi të fshatit Iliras, ka marrë flakë në ecje e sipër dhe është djegur plotësisht automjeti tip “Ford”, i cili drejtohej nga shtetasi N. B., banues në Memaliaj.
Nuk ka dëme në njerëz.
Nga veprimet e para hetimore dyshohet se zjarri është shkaktuar aksidentalisht.
Në vendngjarje ndodhet grupi hetimor dhe po punon për sqarimin e rrethanave të situatës.
