Një 34-vjeçar shqiptar dhe një 23-vjeçar egjiptian kanë rënë në prangat e policisë greke, pasi të shtunën mbrëma në “Omonia” të Athinës kanë tentuar të shtypin me një makinë të vjedhur oficerët e patrullës.
Efektivët e policisë së ekipit të DIAS-it, të cilët po patrullonin në zonën e Omonias, kanë pikasur të pandehurit të hipnin në një makinë të parkuar, e cila ishte deklaruar e vjedhur.
Policia i kërkoi të dilnin nga automjeti, ku 23-vjeçari ka hedhur në tokë një kaçavidë teksa ka dalë, ndërsa 34-vjeçari ka ndezur makinën dhe ka tentuar të përplasë policinë.
Një prej policëve ka hipur në mjetin që ishte në lëvizje dhe ka mundur ta ndalojë, duke hequr çelësat, ndërsa 34-vjeçari u përpoq me çdo mënyrë të shmangte arrestimin e tij.
Shqiptari dhe egjiptiani akuzohen për veprat penale të dhunës dhe mosbindje ndaj patrullave të policisë.
