Hollanda fitoi 0-2 ndaj Senegalit, në ndeshjen e parë të Botërorit të Katarit. Trajneri i “Tulipanëve”, Luis Van Gaal ka folur për mediat pas ndeshjes, duke thënë se ekipi nuk luajti mirë, por kishte besim se skuadra do dilte me pikë.
“Nuk mendoja se luajtëm mire por as nuk kisha përshtypjen se do të humbnim. Ne u dhamë atyre mundësinë për të shënuar nga kundërsulmi. Por nëse do të ishim kompakt, ata me të vërtetë nuk kishin asnjë shans. Senagali kishte një shans në pjesën e parë dhe ndoshta dy në pjesën e dytë, por nuk i shfrytëzuan.”
De Jong? Ai kishte humbi shumë herë topin, gjë që normalisht nuk e bën. Kjo gjithashtu ka të bëjë me mënyrën se si mbron kundërshtarin. Kundërshtari mbrohet në pozicion dhe më pas mbyllet nga brenda. Nëse vrapon shumë me topin, do të hasni një forcë madhore që të bllokon. Këtë e kisha thënë edhe para ndeshjes, por ai i besoi aftësive të tij.
Memphis? Prisja më shumë prej tij. Është një lojtar që mund të bëj shumë. Ai mund të bëjë diferencën. U aktivizua për 30 minuta, sepse kështu kishim rënë dakord. Tani presim të shohim sepse ai shprehet që mund të luaj, ne nuk duam të rrezikojmë.
Gakpo? Ishte gjithashtu vendimtar. E keni parë në pjesën e parë që ai kishte shpejtësinë për t’u larguar mbulimit nga mbrojtësit. Ai është i teknik dhe ka aftësi të mira. Ai duhet të shënojë sa më shumë gola.
Noppert? Kemi një portier që ndalon topat. Edhe unë jam çarmatosur tani (qesh). Ai është gjithashtu mjaft i drejtpërdrejtë sa mund të thotë diçka vetëm me një buzëqeshje. Por koha në të cilën ai thotë diçka është gjithashtu e rëndësishme. Ne nuk jemi plotësisht njësoj, por ai ka disa anë të personalitetit tim. Ai nuk gaboi në këtë ndeshje. Ishte një zgjedhje e mirë, mendoj. Ai është portieri i parë për momentin” – Tha ai.
