Mediat italiane kanë zbuluar identitetin e shqiptarit që i mori jetën duke i goditur me thikë ish-bashkëshortes së tij tij Mynevere Karabollaj, 37 vjeç (e njohur si Vera) dhe të dashurit të saj Flonino Merkuri, 23 vjeç.
Masakra që ndodhi në Spinea të Italisë ka për autor ish-bashkëshortin e 37-vjeçares Viron Karabollaj, i cili pasi ekzekutoi ish-gruan dhe Mërkurin u largua me makinë për t’u gjetur më pas i vetëvrarë në një kompani në në Chirignago, pranë Venecias ku edhe punonte.
40-vjeçari e kreu krimin në shtëpinë e ndodhur në rrugën “Leopardi” rreth orës 20:00, ndërsa trupa e pajetë të Verës dhe të dashurit të saj u gjetën kur vajza 15-vjeçare e gruas shkoi në banesë e alarmuar pasi nëna nuk i ishte përgjigjur telefonatave të saj.
Vera ishte zhvendosur në Spinea disa vite më parë me bashkëshortin nga i cili ishte ndarë prej dy vitesh.
Më pas ajo kishte nisur një lidhje me bashkatdhetarin e saj Flonino Merkuri , i cili ishte bashkëjetonte me 37-vjeçaren.
Një marrëdhënie e penguar nga ish-bashkëshorti që ndau çiftin përgjithmonë me vrasjen mizore të dyfishtë përpara se të bënte vetëvrasje.
