Surpriza e madhe e ceremonisë hapëse të Katar 2022, ka qenë padyshim prania e aktorit të njohur Morgan Friman në këtë aktivitet. Emri i njohur i Hollivudit, ishte pjesë e aktit që i parapriu ndeshjes së parë të turneut, duke mbajtur një fjalim i cili si qëllim kishte vetëm që të jepte një mesazh solidariteti.
“Futbolli shtrihet në gjithë botën, bashkon kombet në dashurinë e tyre për lojën e bukur. Ajo që bashkon kombet, bashkon edhe komunitetet”, tha ndër të tjera Friman në fjalën e tij.
Një mesazh që i parapritu atij të emirit Al Thani në stadium, ku i uronte mirëseardhjen personave të pranishëm dhe u uronte fat atyre në këtë aktivitet që për një muaj do të ketë të mbërthyer mbi të sytë e të gjithë botës.
