Odise Roshi ishte protagonist ditën e sotme te skuadra e Sakarjaspor në Ligën e Parë turke. “Raketa” kuqezi, asistoi te goli i dytë i shënuar me finte nga Tasçi në minutën e 45-të, në triumfin 4-2 që skuadra e shqiptarit arriti në shtëpi ndaj Bandirmaspor.
Roshi e nisi duelin si titullar, teksa u zëvendësua në minutën e 74-t, duke i zënë vendin futbollistit Sol. Ky ishte asisti i parë në 9 ndeshje në këtë sezon për futbollistin fierak, që gradualisht po shndërrohet në një protagonist te skuadra turke e Sakarjaspor, që në 14 ndeshje ka siguruar 19 pikë duke u renditur në vendin e 9-të.
https://twitter.com/i/status/1594372558769606658
