Një stuhi e paprecedentë që ka pushtuar Nju Jorkun ka shkaktuar rënien e borës me intensitetin më të lartë në vitet e fundit.
Bora e madhe po bie për të dytën ditë radhazi në shtetin perëndimor, me zonën e Buffalo-s që është prekur më shumë, pasi sasia e borës së rënë ka shkaktuar kaos me trafiku ndhe dëmtime në infrastrukturë.
Rajoni regjistroi reshje të paprecedenta bore për muajin nëntor. Në dy vende matjet treguan se brenda 48 orëve përkatësisht lartësia e borës kishte arritur nga 182 deri në 195 centimetra.
Amazing #LakeEffectSnow #drone footage of the snow bands coming off #LakeErie See the full vide at https://t.co/FLSjr5zJvC pic.twitter.com/POnQnJHw5m
— StormChasingVideo (@StormChasingVid) November 18, 2022
Dukshmëria në pjesë të mëdha të rrjetit rrugor është pothuajse zero, duke e bërë pothuajse të pamundur lëvizjen e mjeteve.
Ndërkohë në Aeroportin Ndërkombëtar të Buffalos janë anuluar dhjetëra fluturime.
Paralajmërimet e motit janë në fuqi për 6 milionë njerëz që jetojnë në brigjet e Liqeneve të Mëdha në Shtetet (Erie dhe Ontario), në zonën më të madhe të Buffalos.
Mesazhi i autoriteteve është i qartë: “Mos dilni nga shtëpia për asnjë arsye”.
Moti i ashpër do të vazhdojë gjatë fundjavës, ndërsa pritet që nga e hëna ose e marta zonat e prekura të kthehen në normalitet.
Ndërkohë dy shtetas kanë ndërruar jetë si pasojë e problemeve në zemër teksa pastronin banesat e tyre.
Autoritetet po paralajmërojnë qytetarët se puna e pastrimit është shumë e rëndë dhe sfilitëse.
