Policia ka arritur të zbardhë atentatin me armë zjarri që ndodhi mbrëmjen e 30 tetorit në zonën e njohur si “Kodra e Diellit” në kryeqytet, ku mbeti i vrarë 39-vjeçari Briken Sanaj.
Uniformat Blu kanë arritur të identifikojnë autorin që qëlloi me breshëri kallashnikovi mbi Sanajn pranë banesës ku viktima jetonte.
Mbrëmjen kur ndodi ngjarja, autori me maskë e ka ndjekur më këmbë Sanajn dhe e ka qëlluar disa herë, ndërsa plot tre plumba e kanë kapur 39-vjeçarin në pjesën e kokës.
Autori i dyshuar është shpallur në kërkim policor ndërsa, ka dyshime të forta se ai është arratisur drejt Belgjikës.
