Deputetja e PD-së, Flutura Açka e cila ka kundërshtuar ashpër projektin për Portin e Durrësit ka ironizuar këtë projekt edhe sot nga salla e Kuvendit.
Nga vendi i saj në ulësen e Parlamentit, Açka ka nxjerrë një fletë të bardhë ku shkruan me shkrim dore “Durrës Porta Potty”. Me këtë pankartë ajo ka ironizuar fenomenin skandaloz që bëri xhiron e rrjetit pak kohë më parë mes influencereve të Instagramit të cilat detyroheshin nga sheikët e Dubait të hanin jashtëqitjen e tyre e shumë veprime të tjera të turpshme.
Ditën e djeshme Açka shkroi në rrjetet sociale se qeveria po nxiton të mbyllë projektin e portit luksoz të jahteve që Europa nuk e miraton.
“Pse nxiton kaq shumë qeveria për t’i mbyllur në fshehtësi të plotë letrat e votat e portit luksoz të jahteve, kur as Europa nuk e e miraton si projekt. Kështu do të integrohemi në Europë?! DurrësDubai – Porta Potty mbi antikitet”, shkroi ajo.
