Sulmuesi i Milanit dhe Francës, Olivier Giroud, ka dhënë për France TV Sport, pak ditë para fillimit të Kupës së Botës, një intervistë të bukur në të cilën ka folur për botërorin, por edhe për ndjesitë e tij mes atij që do të jetë turneu i fundit madhor i karrierën e tij dhe rekordin e mundshëm të golave.
“Unë vij në këtë takim në kuadrin e një lojtari që me siguri do të luajë për herë të fundit në këtë kompeticion ndërkombëtar. Jam shumë energjik, sikur të ishte hera e parë. Dua të shijoj çdo moment. Dhe sigurisht, ne jemi të etur për të mbrojtur titullin tonë”, tha qendërsulmuesi.
Në lidhje me rikthimin e tij në kombëtare, Giroud shtoi: “Në jetë, siç thonë, nuk të jepet asgjë. Duhet të shkosh të marrësh atë që do. Doja të mos mbyllja faqen me Francën pas dështimit të Euro 2021. Pra, jam shumë krenar.
“Shpresoj ta mbyll mirë. Isha i zhgënjyer që nuk u thirra pas Kampionatit Europian dhe kjo më kishte dhënë edhe më shumë dëshirën dhe motivimin për t’u kthyer me fanellën e kombëtares”.
Për perspektivat si titullar dhe rekordin e golave të Henry: “Dy për ta barazuar dhe tre për ta kaluar atë. Do të ishte për të ardhur keq të ndalesha në dy. Por seriozisht, tashmë është një nder të jesh në vendin e dytë pas tij”.
