Deputeti i Partisë Demokratike, Luan Baçi e cilëson një aferë korruptive projektin e ri për Portin e Durrësit.
Në një intervistë për Euronews Albania, Baçi u shpreh se nuk ka transparencë dhe në në projekt do të alpikohet amnistia fiskale.
“12,600 apartamente që do të ndërtohen dhe ky miliarderi do të vendosë tullën 160 milionë euro dhe për këto ndërtime, amnistia fiskale ndaj po bëhet. Kush më garanton mua se ata që do vijnë, për të derdhur para, për të marrë që në themele këto apartamente. Ndaj është aferë e pastër korruptive, sepse nuk ka transparencë. Nuk diskutohen këto fare”, theksoi ai.
Ndërsa, kreu i PD-së, Sali Berisha në mbledhjen e Grupit Parlamentar demokrat këtë të Mërkurë, deklaroi se Projekti për portin e Durrësit është korruptiv dhe një motiv i mjaftueshëm për protesta të fuqishme.
Berisha paralajmëroi se krahas betejës ligjore dhe parlamentare kundër këtij projekti të qeverisë, Partia demokratike duhet të përgatitet edhe për protesta masive.
