Telashe për Armando Brojën në miqësoren ndaj Italisë. Ylli i Kombëtares, la fushën e lojës i dëmtuar në minutën e 50-të, duke u zëvendësuar nga Roshi.
Sulmuesi i Çelsit, pësoi një dëmtim në kaviljen e pajto, ç’ka e detyroi të mbyllte para kohe ndeshjen. Menjëherë pas zëvendësimit Broja e fashoi kaviljen e majtë me akull, teksa u fotografua pas ndeshjes duke lënë stadiumin duke çaluar, i ndihmuar nga pjestarët e stafit kuqezi.
Analizat do të jenë ato që do të përcaktojnë shkallën e dëmtimit të Brojës, ndërsa duket se sulmuesi nuk mund të jetë i gatshëm për ndeshjen e radhës miqësore, atë ndaj Armenisë të shtunën.
