Ish-kapiteni i Bayern Munich dhe kampioni i botës me Gjermaninë në vitin 2014, Philip Lahm, ka deklaruar se Katari është vendim i gabuar mbi organizimin e Botërorit 2022, i cili fillon të dielën.
“Si drejtor i turneut të ‘Euro 2024’, aktualisht po takoj shumë njerëz. Ata janë fëmijë me fanella me të cilat bëj foto, trajnerë të rinjsh që u mësojnë lojtarëve të tyre rregullat, presidentë klubesh të vogla që kanë qenë vullnetarë për dekada. Ata të gjithë e duan butësinë e futbollit, e njohin fuqinë e tij edukative, e vlerësojnë rëndësinë për komunitetin tonë.
Në të kaluarën, “Kupa e Botës ishte një festë popullore, për fëmijët një lloj nisjeje për jetën. Sot, disa klube amatore mendojnë të lënë tavolinat e birrës dhe ekranin të fshehur në bodrum.
Kjo më bën të kuptoj se dhënia e Katarit për të organizuar këtë kompeticion ishte gabim. Ajo nuk ka vend atje”, përfundoi 39-vjeçari.
