Gazetarja e ekonomisë, Ola Xama e ftuar në emisionin ‘Të Paekspozuarit’ në MCN TV ka komentuar lidhur me portin e Durrësit për të cilin u shpreh se me projektin e ri ai pritet të zhbëhet.
Ajo tha se ky projekt ka të bëjë me një marinë të vogël turistike dhe pas saj do të ndërtohet një kompleks pallatesh dhe hotelesh.
“Ajo që shohin qytetarët është se te ky projekt nuk bëhet fjalë për port, por për kompleks pallatesh. Mund të shkoj në 1 mln metra katrorë, dhe ai zhbëhet, nëse bëhet vetëm një marinë e vogël turistike dhe pas tij këto pallate dhe hotele. Pra bie miti që Durrësi ka një port që nga pushtimi romakëve. Praktikisht porti i Durrësit zhbëhet dhe ndërtohet një kompleks pallatesh dhe hotelesh. Vetë Rama dhe Alabar ka thënë se do kthehet në marinën turistike më të madhe të Ballkanit, por me atë projekt që kanë dorëzuar ata kjo nuk është më, ose ata janë tërhequr”, tha ajo.
