Prezantuesi i famshëm britanik Jonnie Irwin ka bërë të ditur se po lufton kancerin në fazën terminale dhe sipas mjekëve i kanë mbetur edhe pak muaj jetë.
Në një intervistë për revistën “Hello”, prezantuesi 48-vjeçar zbuloi për herë të parë se kanceri në mushkëri ishte përhapur në trurin e tij.
Ishte shkatërruese. E vetmja gjë që mund të bëja ishte t’i kërkoja falje. Ndjehem përgjegjës për atë që po ndodh”, tha prezantuesi.
Jonnie dhe gruaja e tij, Jessica kanë binjakët Rafa dhe Cormac dy vjeç dhe një djalë tre vjeç Rex, dhe ai thotë se deri vonë donte ta mbante sekret sëmundjen e tij.
“Megjithatë, tani ka arritur deri aty sa më duket sikur kam ndonjë sekret të ndyrë, sikur kam një barrë të padukshme në shpinë.
Shpresoj që duke e hequr atë barrë, mund të frymëzoj njerëzit që janë në të njëjtën situatë, ditët e të cilëve janë të numëruara, që të shfrytëzojnë sa më shumë çdo ditë, t’i ndihmoj ata të shohin se ju mund të jetojnë një jetë të mirë, edhe nëse janë duke vdekur.
Një ditë, kjo do të më arrijë, por po bëj gjithçka që mundem që ajo ditë të vijë sa më shpejt.
Ia kam borxh gruas dhe djemve të mi. Disa njerëz në situatën time kanë lista dëshirash, por unë thjesht dua të bëjmë sa më shumë që të mundemi si familje,” tha prezantuesi.
Ai vuri në dukje se nuk e di se sa kohë i ka mbetur por përpiqet të qëndrojë sa më pozitiv. “E kam bërë zakon t’i them vetes që të mos planifikoj përpara, sepse mund të mos jem mjaft mirë për ta realizuar.
Por tani dua të bëj plane. Dua të krijoj kujtime dhe t’i kap këto momente me familjen time, sepse realiteti është se djemtë e mi do të rriten pa e njohur babanë e tyre dhe kjo më thyen zemrën”,
