Ish-shefi i antidrogës, Dritan Zagani, thotë se tashmë e meritojmë titullin “narko-shtet”, pikërisht prej sasisë së madhe të trafikimit të lëndëve narkotike.
Sipas tij, situata aktuale, nisur dhe nga zbulimi i serës me kanabis në Berat, është shumë më keq se koha e Lazaratit.
“Nuk mund të krahasohet fenomeni Lazarat me fenomenin e mbjelljes apo të trafikut të drogës sot ku ne kemi merituar me diplomë titullin narko-shtet në të gjitha instancat ligjzbatuese të vendeve partnere, kufitare apo dhe më gjerë, e deri në Ekuador ne jemi cilësuar si një narko-shtet tashmë” – tha Zagani i ftuar në “Review” në Euronews.
Kujtojmë se në serën në Berat u zbuluan 700 arka me kanabis dhe 8 thasë me boçe kanabisi me peshë 870 kilogramë.
