Redon Makashi ka gjetur dashurinë e tij dhe është fejuar në moshën 51-vjeçare me koreografen e njohur të baletit, Rexhina Çuko.
Çifti e kanë mbajtur të fshehtë romancën përgjatë gjithë kësaj kohe, por gjithçka është zbuluar pas një foto ku balerina pozon krah Redon Makashit dhe mban unazën e fejesës në gisht.
Redon Makashi dhe Rexhina Çuko duket se janë në ambientet e lokalit, ndërsa koreografia tregon për kamerën unazën e saj.
Burime për intervista.al zbuluan se çifti janë fejuar, por vetë ata ende nuk kanë reaguar në lidhje me lajmet duke qëndruar të heshtur.
Si këngëtari ashtu edhe Rexhina Çuko janë mjaft hermetikë për jetën e tyre sentimentale dhe mundohen ta mbajnë gjithmonë private.
Megjithatë në një intervistë rreth një vit më parë 51-vjeçari Redon Makashi pranoi se ishte i dashuruar dhe kishte ardhur momenti që edhe ai të martohej.
