Mauro Ikardi është kthyer përsëri në formën e tij më të mirë te Gallatasaraj pasi po ndihmon këtë skuadër të kthehet përsëri protagoniste në luftën për futboll ku mungonte prej disa vitesh. Prova ishte edhe sot, kur skuadra e qytetit të Stambollit masakroi me shifrat 0-7 në derbi Bashakshehirin, klubin i cili mori famë me ndihmën e Taip Erdogan.
Ikardi shënoi gol me penallti duke çuar shifrat në rezultatin e përkohshëm 2-0 ndërsa në pjesën e dytë të sfidës dha dy asiste në këtë ndeshje që ngjit ekipin e tij në vendin e dytë.
Kjo formë ka gëzuar atë, por në mënyrë të papritur edhe Uanda Narën, prezantuesja argjentinase duket se është kthyer përsëri në krahët e sulmuesit argjentinas pasi kishte kërkuar më parë divorcin ndaj tij. Ajo jo vetëm që është shfaqur në Stamboll, por edhe ka postuar direkt nga stadium momentin e penalltisë së Ikardit dhe festimin e tij, duke çuditur jo pak ndjekësit të cilët deri pak ditë më parë ishin bindur se historia mes tyre kishte përfunduar.
