Plot 150 persona kanë mbushur qelitë e paraburgimit në Berat, aty ku mëngjesin e ditës së djeshme një operacion “top-secret” i Drejtorisë së Përgjithshme të Policisë zbuloi dhe asgjësoi një nga parcelat më të mëdha të kanabisit, që është gjetur në vend në vitet e fundit.
Sipas informacioneve që kanë rrjedhur nga burime pranë policisë sipërfaqja e mbjellë me bimë narkotike në total ka qenë 8 hektarë.
Punëtorët e arrestuar nga policia kanë korrur dhe paketuar rreth 6 hektarë ndërsa 2 hektarët e fundit të cilët po përgatiteshin për paketim u zbuluan dje nga agjentët e policisë. Policia gjithashtu ka sekuestruar 875 kg lënde narkotike (hashash), pjesa me e madhe e paketuar dhe e bërë gati për tregtim.
Kjo ka qenë edhe parcela e fundit e serave, ndërsa mësohet se gjithë sasia tjetër është tërhequr ditë më parë.
Në total 95 gra dhe 9 burra janë shoqëruar për të dëshmuar në drejtorinë e policisë Berat. Burrat ishin të punësuar për të ruajtur me armë ambientet e kultivimit të kanabisit.
Janë pyetur rreth 35 prej tyre ndërsa mësohet se 9 burra dhe dy gra janë arrestuar zyrtarisht. Të arrestuara janë nënë e bijë, Drita dhe Izmira Mema.
Sakaq, rezulton se në serat me kanabis ishin të punësuara vajza dhe gra nga mosha 15 deri 65 vjeçe. Pas kontrollit të ushtruar nga policia në çantat e tyre u gjendën sasi të konsiderueshme lekësh pasi paguheshin deri në 50 mijë lekë për ditë pune.
Nga Prokuroria e Beratit konfirmojnë se të gjithë të arrestuarit janë nga zonat e veriut të Shqipërisë, pjesa më e madhe nga Fushë-Kruja dhe Lezha, ndërsa në kërkim është shpallur një nga personat më të rëndësishëm të përfshirë në këtë aktivitet.
Po kështu është zbardhur edhe skema e funksionimit të fermës së hashashit, që ndodhej në mes të serave të tjera në tokat bujqësore të fshatit Drenovicë.
Sera ishte marrë me qira dhe gratë që punonin në të flinin prej muajsh brenda serës, ku ishin përshtatur edhe ambiente fjetjeje me dyshek me ajër dhe dushe për t’u larë. Ajo ishte ndarë në 4 pjesë, ku 95 gratë e punësuara, te cilat po hetohen në gjendje të lirë, pastronin çdo dite lëndën narkotike të tharë që ua sillnin me furgon.
Punëtorët kanë thënë se janë punësuar jo në të njëjtën kohë, por pjesa më e madhe kishte 20 ditë që punonin. Mësohet se lënda narkotike e tharë vinte me furgon, punëtorët e pastronin dhe paketonin dhe furgoni e largonte.
Sipas policisë, kjo mënyrë funksionimi e fermës së hashashit e ka bërë të vështirë identifikimin e saj, pasi gratë nuk dilnin asnjëherë jashtë, ndërkohë që meshkujt iknin e vinin me mjetet e tyre private në zonë.
Edhe kjo nuk është dukur e dyshimtë pasi dihej që sera ishte marrë me qira dhe në disa raste, për të mos rënë në sy nga pronarët e tjerë të serave përreth, vileshin dhe ngarkoheshim për tregtim domate e perime të tjera, që kultivoheshin në një perimetër të caktuar brenda kësaj sere.
Mësohet se sera është në pronësi të shtetasit Xhimi Dyli, i cili po merret në pyetje nga policia për të bërë të mundur arrestimin e personave që ua kishte dhënë me qira. Policia ka shoqëruar edhe kryeplakun e fshatit Drenovicë, Sokol Kallmi pasi ky i fundit nuk kishte dhënë informacione mbi serat e kanabisit.
Policia ka sekuestruar dhe 2 pistoleta e një kallashnikov, por edhe një shumë të konsiderueshme parash.
Emrat e të arrestuarve të cilët ruanin ambientet me armë:
1-Jurgen Haxhi Ujkaj, i datëlindjes 11.07.1999, banues në Koplik
2-Bashkim Mehmet Mema, i datëlindjes 31.05.1974, banues në Zallher
3-Sidrit Zaim Bisha, i datëlindjes 24.06.1995, banues në Ishull Lezhë
4-Endrit Gëzim Xheka, i datëlindjes 03.02.1992, banues në Fushë Krujë Nikël.
5-Edison Bashkim Mema, i datëlindjes 17.03.2002, banues në Zallher
6-Mirvaldo Mondi Disha, i datëlindjes 03.11.1998, banues në Nikël Fushë Krujë
7-Hamdi Veli Dyli, i datëlindjes 25.12.1986, banues në Dronovicë, pronari që kishte lënë me qira serat.
8-Blerim Beqir Xheka, i datëlindjes 18.02.1980, banues në Nikēl Fushë Krujë
9-Samuel Gëzim Lushaj, i datëlindjes 11.04.2000, banues në Shkodër.
Disa nga gratë e shoqëruara:
-Fatmira Zaja
-Dëshire Hoxha
-Honke Farruku
-Besnike Tartari
-Hajrie Dika
-Flora Kodheli
-Lumturie Toshi
-Diana Meta
-Mimoza Doku
-Sadie Gjana
-Fatmire Tota
-Mihane Marku
-Afërdita Cani
-Behije Hasa
-Rrushie Cuku
-Fatmire Marku
-Valentina Disha
-Elida Disha
-Lule Luka
-Rudije Halili
-Mirushe Bardholi
-Enkeleda Bardholi
-Bukurie Bardholi
-Vera Sala
-Nurie Hysenaj
-Shyrete Hysenaj
-Laureta Stafa
-Blerina Likmetaj
-Dashurie Sinaj
-Afërdita Hasa
