Reali i Madridit është rikthyer te fitorja në La Liga, teksa ka mposhtur me rezultatin 2-1 Kadizin e vendit të parafundit në sfidën e vlefshme për javën e 14-të. Një nga problematikat e këtij sezoni është padyshim pësimi i golave në ccdo ndeshje. Ky i sotmi ndaj Kadizit, ishte i 14-ti i pësuar nga skuadra e Ançelotit në po aq javë.
Për sa i përket ndeshjes, Militao kaloi në avantazh madrilenën në minutën e 40-të pas asistim të Toni Kros. Pjesa e parë, përfundoi me rezultatin 1-0, ndërkohë që në minutën e 70-të, gjermani Kros dyfishoi shifrat.
Miqtë e Kadizit provuan të rihapnin sfidën ,duke gjetur rrugën e rrjetës në të 82-tën, por vetëm kaq, pasi në fund festa ishte e gjitha për madrilenët, që me këtë triumf u ngjitë në kuotën e 35-të, duke mbajtur vendin e dytë me 2 pikë më pak se Barcelona kryesuese.
